Նոր դեսպանի թեկնածությունը չի հաստատել

Thu, 21 May 2026 00:00:24 +0400

Սկանդալ է ծագել Խորվաթիայի եւ Իսրայելի միջեւ։ Խորվաթիայի նախագահ Զորան Միլանովիչը չի հաստատել Զագրեբում Իսրայելի նոր դեսպանի թեկնածությունը՝ իսրայելական իշխանությունների որդեգրած ներկայիս քաղաքական գծի պատճառով։ Նշենք, որ Միլանովիչը Գազայում Իսրայելի իրականացրած ռազմական գործողությունների ամենավառ քննադատներից է։

Նա հայտարարել է, որ դիվանագիտական սկզբունքներից ելնելով, նախկինում չի խոսել այդ մասին, սակայն հիմա արդեն հայտարարում է, որ Իսրայելը խախտել է ընթացակարգերը՝ դեսպան նշանակելով՝ նախքան համաձայնեցումը։ The Times of Israel-ի համաձայն, Իսրայելի ԱԳ նախարարությունն էլ հայտարարել է, որ աշխատում են Զագրեբի իրենց գործընկերների հետ՝ ստեղծված իրավիճակը կարգավորելու համար։