Իրավիճակը լուրջ է․ դեսպան Կոպիրկինը կանչվել է ՌԴ՝ խորհրդակցությունների
Sat, 30 May 2026 11:00:23 +0400
Հայաստանում Ռուսաստանի դեսպանը Մոսկվա է կանչվել՝ ՀՀ իշխանությունների կողմից ԵՄ–ի հետ մերձեցման քայլերի վերաբերյալ խորհրդակցություններ անցկացնելու։ Այս մասին հայտարարել է Ռուսաստանի արտաքին գործերի նախարարությունը։
«ՀՀ-ում Ռուսաստանի դեսպան Սերգեյ Կոպիրկինը խորհրդակցությունների է Մոսկվա է կանչվել` կապված Հայաստանի ղեկավարության կողմից Եվրամիության հետ մերձեցման քայլերի հետ, որոնք վնասում են Եվրասիական տնտեսական միության շրջանակներում համագործակցությունը»,- նշված է ՌԴ արտաքին քաղաքական գերատեսչության տարածած հայտարարության մեջ։
Հիշեցնենք, նախօրեին Աստանայում կայացել է Եվրասիական տնտեսական բարձրագույն խորհրդի նիստը՝ նեղ և ընդլայնված կազմով, որին ՀՀ-ն ներկայացրել է փոխվարչապետ Մհեր Գրիգորյանը։
Գագաթնաժողովում Ռուսաստանի, Բելառուսի, Ղազախստանի և Ղրղզստանի ղեկավարները գործնական քննարկում են ունեցել Հայաստանի՝ ԵՄ-ին միանալու ծրագրերի վերաբերյալ, ապա հատուկ այդ համատեքստում հայտարարություն է ընդունվել, որում հորդորել են հայկական կողմին հանրաքվեի միջոցով վճռել ԵԱՏՄ-ում մնալու կամ ԵՄ-ին միանալու հարցը։
Ավելի ուշ մամուլի ասուլիսում Պուտինը բավականին հանգամանալից ներկայացրել է այն հետևանքները, որոնք Հայաստանն ու ՌԴ-ում ապրող հայերը կարող են ունենալ Երևանի՝ ԵԱՏՄ-ից դուրս գալու դեպքում։
Խոսքը վերաբերում է էներգակիրների սակագներից բարձրացումից մինչև ՌԴ-ում աշխատանքի մեկնած հայ քաղաքացիների պայմանների խստացում, Հայաստանի հետ ՌԴ ինտեգրացիոն գործընթացներով պայմանավորված տնտեսական աշխատանքների դադարեցում և այլն։