Իշխանությունների «վերջին փամփուշտը»

Sat, 30 May 2026 13:30:20 +0400

Մի արտահայտություն կա՝ «Սուտասանի վերջին փամփուշտը»։ Ես, իհարկե, ոչ մեկին անվանական նկատի չունեմ։ Խոսքը փաշինյանական ամենաստոր և լկտի «վերջին փամփուշտի» մասին է, որը կոչվում է «կոմպրոմատների արտահոսք»։ Այլ կերպ ասած՝ ընտրությունների վերջին շաբաթում փաշինյանական իշխանությունը փորձելու է ապահովել տարատեսակ կեղտոտ, զզվելի, վարկաբեկիչ, ընդդիմախոսների ընտանիքներին վերաբերող, մոնտաժված, «դզած-փչած» նյութերի մասսայական արտահոսքեր։

Հուսամ՝ հիշում եք, չէ՞, թե ինչպես մոնտաժված ձայնագրությունը հիմք դարձավ «Սրբազան պայքարի» ակտիվիստներին և Բագրատ Սրբազանին բանտ նստեցնելու համար։

Սա Փաշինյանի և իր թիմի վերջին փամփուշտն է՝ հայ հասարակությանը ջարդելու, կրկին հուսահատություն և անկում սերմանելու համար, քանի որ եթե մինչև հունիսի 7-ը հասարակության մեջ պահպանվեն ներկայիս տրամադրությունները, ապա իշխանությունը պարզապես նույնիսկ տեսականորեն շանս չի ունենա վերընտրվելու։
Ընդդիմադիր բոլոր, կրկնում եմ՝ բոլո՛ր ուժերը պետք է շատ արագ ձևավորեն տեղեկատվական հակազդեցության համակարգ, որը թույլ կտա չեզոքացնել իշխանության կոմպրոմատային տեռորը, քանի որ դա իշխանության վերջին փամփուշտն է։

Արման Աբովյան