Մենք կառուցելու ենք Հայաստան, որտեղ յուրաքանչյուր երեխա լիարժեք իրացնելու է իր ներուժը

Mon, 01 Jun 2026 12:52:02 +0400

Սիրելի՛ երեխաներ, սիրելի՛ ծնողներ,

Շնորհավորում եմ երեխաների պաշտպանության միջազգային օրվա առթիվ։

Յուրաքանչյուր երեխա պետք է մեծանա սիրո, հոգատարության և անվտանգության միջավայրում։
Պետության իրական հաջողությունը չափվում է նաև նրանով, թե ինչպիսի պայմաններ է այն ստեղծում իր երեխաների համար՝ կրթվելու, զարգանալու, երազելու և սեփական հայրենիքում ապագա կառուցելու։

Մենք ունենալու ենք այնպիսի Հայաստան, որտեղ յուրաքանչյուր երեխա կունենա պաշտպանված մանկություն, որակյալ կրթություն, բարեկեցիկ և արժանապատիվ կյանք և ապագա։

Դուք արժանի եք մեծանալու խաղաղ, անվտանգ և ուժեղ հայրենիքում, բացահայտելու ձեր տաղանդները, իրականացնելու ձեր երազանքները և վստահությամբ կառուցելու ձեր ապագան Հայաստանում։

Յուրաքանչյուր երեխայի պաշտպանված մանկությունը, կրթությունն ու զարգացման հնարավորությունները լինելու են մեր պետության և հասարակության անառարկելի առաջնահերթությունը։

Մենք կառուցելու ենք այնպիսի ուժեղ, արդար և զարգացող Հայաստան, որտեղ յուրաքանչյուր երեխա լիարժեք իրացնելու է իր ներուժը, իսկ իր ապագան տեսնելու և կերտելու է սեփական հայրենիքում։

Շնորհավո՛ր հունիսի 1-ը։

Նաիրի Սարգսյան