Մեր տեղեկություններով՝ Չարենցավան քաղաքում ՔՊ-ականները բաժանվել են 2 բանակի: Չարենցավանի ՔՊ գրասենյակի ղեկավար, ՔՊ-ական Արթուր Գալստյանը, ում չարենցավանցիները Ճնդո են ասում, ըստ որոշ լուրերի, օրեր առաջ վիճաբանել է Կոտայքի մարզպետ Ահարոն Սահակյանի և ԵԿՄ նախագահ Սասուն Միքայելյանի հետ:

Մեզ պատմեցին, որ Չարենցավանում ՔՊ-ն չի կարողանում քվեների ցանկալի քանակ ապահովել, այդ իսկ պատճառով ամեն շաբաթ Չարենցավան են այցելում տարբեր ՔՊ-ական պաշտոնյաներ: Օրեր առաջ կրկին Սասուն Միքայելյանն ու մարզպետ Ահարոն Սահակյանն են Չարենցավան այցելել: ՔՊ գրասենյակի ղեկավար Արթուր Գալստյանի հետ վեճ է ծագել:

Մեզ պատմեցին, որ երբ Սասուն Միքայելյանը նկատել է, որ Գալստյանը ձեռքերը գրպանում դրած է խոսում, ձայնը բարձրացրել է, թե. «Ձեռքերդ հանի ջեբիցդ, չես տեսնո՞ւմ` հրամանատար մարդ ա դեմդ կանգնած»:

Այդ վեճի ժամանակ Արթուր Գալստյանին պաշտպանել է վերջերս Ռոմանոս Պետրոսյանի կողմից Չարենցավանի Էլցանցում պաշտոնի նշանակված Կարեն Գեւորգյանը, ում չարենցավանցիները «զուբ Կարեն» են ասում:

Մեզ պատմեցին նաեւ, որ վիճաբանությունից հետո մարզպետն այլեւս չի վստահում Արթուր Գալստյանին, ՔՊ-ի նոր խումբ է ձեւավորել ու նրանց հետ է աշխատում:

Արթուր Գալստյանին հարցրինք՝ ի՞նչ խնդիրներ են առաջացել Ձեր, մարզպետի և Սասուն Միքայելյանի միջեւ, որ վիճել եք. «Բայց Ձեզ էդ ո՞վ ա էդպիսի սուտ բաներ ասել: Իրենք մի անգամ են եկել, մի անգամ էլ վարչապետի այցի ժամանակ են եկել: Ինչ վիճաբանություն` սուտ տեղեկություններ են, մենք շատ սերտ հարաբերությունների մեջ ենք, մեր մեջ էդպես բան չի կարա լինի, ով որ Ձեզ ասել ա, սուտ տեղեկություն ա տվել: Եթե դուք համոզված եք, որ դա 100 տոկոս ճիշտ է. էլ ինձ ինչի՞ եք զանգել: Ես հերքում եմ, նման բան չի եղել»: Իսկ ի՞նչ գումարային հարցեր են եղել. «Ի՞նչ գումար»: Ես եմ Ձեզ հարցնում`ասում են գումարային հարցեր եք քննարկել. «Ես Ձեզ անկեղծ եմ ասում, ով որ Ձեզ էդպիսի բաներ է ասում, ինքը սրիկա է, խաբեբա է, չի էլ ամաչում: Մի բանը եթե մոտավոր ճիշտ ասեն, դա ուրիշ բան, բայց նման բան չի եղել, չկա, ով որ Ձեզ ասել է, փոխանցեք՝ ինքը սուտասան սրիկայա, լավ ագենտ չի, գոնե ճշմարտությունը ասի»: