Ուզում է հրաժարվել նախագահի պաշտոնից՝ հանուն վարչապետ դառնալու

Thu, 11 Jun 2026 12:00:01 +0400

Սերբիայի նախագահ Ալեքսանդր Վուչիչը հայտարարել է, որ դիտարկում է պետության ղեկավարի պաշտոնից հրաժարական տալու և վարչապետի պաշտոնում առաջադրվելու հնարավորությունը։

Սերբիայի ղեկավարի խոսքով՝ նա կարող է լքել իր պաշտոնը նույնիսկ երեք կամ չորս ամսից շուտ։ Վուչիչը նաև նշել է, որ վարչապետի պաշտոնում առաջադրվելու մասին մտածում է «ամեն օր»։

Վուչիչն առաջին անգամ Սերբիայի նախագահ է ընտրվել 2017 թվականին և վերընտրվել երկրորդ ժամկետով 2022 թվականին։ Նրա նախագահական ժամկետը լրանում է 2027 թվականին։