ՍԴ-ն միակ մարմինն է, որ դա կարող է անել
Mon, 29 Jun 2026 12:07:23 +0400
«Ուժեղ Հայաստան» կուսակցության ներկայացուցիչ, փաստաբան Արամ Վարդևանյանը լրագրողների հետ զրույցում նշել է, որ Սահմանադրական դատարանի նկատմամբ ևս հնարավոր են ճնշումներ, քանի որ, ըստ նրա, Հայաստանի դատական համակարգում առկա են անկախության և ինստիտուցիոնալ երաշխիքների հետ կապված լուրջ խնդիրներ։
Նա ընդգծել է, որ, այնուամենայնիվ, Սահմանադրական դատարանը հանդիսանում է միակ մարմինը, որը կարող է գործել վերիշխանական մակարդակում և գտնվել քաղաքական կամ այլ տեսակի միջամտություններից վեր՝ լուծելով ընտրական վեճերի վերաբերյալ հարցերը։
Վարդևանյանի խոսքով՝ վերջին ընտրությունները անցել են մի շարք խախտումների պայմաններում, այդ թվում՝ ատելության խոսքի և վարչական ռեսուրսի հնարավոր չարաշահման ազդեցությամբ, ինչը, ըստ նրա, փաստ է և պետք է հաշվի առնվի գործի քննության ընթացքում։