Սահմանին ռուս դիվերսանտների են բռնել․ աղբյուր

Tue, 07 Jul 2026 16:30:34 +0400

Bild-ը հաղորդում է, որ Սերբիա-Հունգարիա սահմանին ձերբակալվել են երկու ենթադրյալ ռուս գործակալներ, որոնք Գերմանիայում դիվերսիա էին ծրագրում:

Նրանց հնարավոր թիրախը, ենթադրաբար, Ուկրաինային աջակցելու հետ կապված պաշտպանական արդյունաբերության օբյեկտն էր: Ձերբակալվածների ուղեբեռում, ենթադրաբար, հայտնաբերվել է վտանգավոր պայթուցիկ սարք։

Bild-ի տվյալներով՝ Գերմանիայի ներքին գործերի նախարար Ալեքսանդր Դոբրինդտը նախկինում խոսել է «Գերմանիայում թիրախային վայրում» «պայթյուն» իրականացնելու դավադրության խափանման մասին:

Նա պնդել է, որ իշխանությունները կարողացել են խափանել այդ ծրագիրը՝ հարձակմանը մասնակցող անձանց հսկողության տակ պահելով: