«Գործերը» լավ չեն

Fri, 10 Jul 2026 15:30:30 +0400

Ռուսաստանի նախագահ Վլադիմիր Պուտինի նկատմամբ վստահությունը և նրա հավանության վարկանիշը կրկին նվազել են հունիսի 29-ից հուլիսի 5-ը ընկած շաբաթվա ընթացքում, ըստ ВЦИОМ-ի (հասարակական կարծիքի ուսումնասիրության համառուսաստանյան կենտրոն) նոր հարցման։

Նախագահի գործունեության հավանության վարկանիշը կազմել է 66.0%, նախորդ շաբաթվա 66.9%-ի համեմատ։ Սա անկման երկրորդ անընդմեջ շաբաթն է։

Վստահությունը նույնպես նվազում է արդեն երկրորդ շաբաթն անընդմեջ՝ նախորդ շաբաթվա 73.3%-ի համեմատ նվազելով մինչև 72.3% (նախորդ շաբաթ այն կազմել է 76.7%)։

ВЦИОМ-ը նշում է, որ հարցումն անցկացվել է համակցված մեթոդով։ Մայիսի սկզբին կենտրոնը փոխել է իր մեթոդաբանությունը և սկսել է դռնեդուռ հարցախույզներ անցկացնել հեռախոսային հարցազրույցներից բացի, այսինքն՝ անձամբ մարդկանց հարցնել։

«Агентство»-ն իր հերթին նշում է, որ ըստ Հանրային կարծիքի հիմնադրամի, բենզինի դեֆիցիտը և վառելիքի գների աճը այս շաբաթվա գլխավոր իրադարձություններն էին ռուսների մեծ մասի համար։