Իրանը զգուշացրել է Իսրայելին․ ինտրիգը մեծ է

Fri, 10 Jul 2026 19:30:18 +0400

Իրանը զգուշացրել է Իսրայելին՝ չմիանալ ամերիկյան հարվածներին։

Այս մասին, «Fars» գործակալության փոխանցմամբ, հայտարարել է ԻԻՀ Ազգային անվտանգության բարձրագույն խորհրդի քարտուղար Մոհամմադ Բաղեր Զոլգադրը։

Ավելի վաղ Իսրայելի իշխանությունները հայտարարել էին, որ երկրի զինված ուժերը հասցված են լիարժեք մարտական պատրաստականության: «New York Post» թերթը գրել է, որ Իսրայելը պատրաստ է միանալ ԱՄՆ-ին՝ Իրանին նոր հարվածներ հասցնելու հարցում:

«Իրանի ենթակառուցվածքների վրա հարձակումը կստանա համարժեք պատասխան։ Իսրայելը չի խուսափի դրանից» – ասվում է Իրանի ազգային անվտանգության խորհրդի հայտարարության մեջ:

Հիշեցնենք` ԱՄՆ զինվորականները հուլիսի 7-ի լույս 8-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։

Իրանցի զինվորականները հայտնեցին Բահրեյնում և Քուվեյթում գտնվող ԱՄՆ ռազմաբազաներին հասցված պատասխան հարվածների մասին։

Երկու կողմերն էլ պաշտոնապես դադարեցրել են բանակցությունները։