Կիրակի , 22 Նոյեմբերի 2026

Երևանում ռուս խարդախ են ձերբակալել․ ինչ է հայտնի

Երևանում ռուս խարդախ են ձերբակալել․ ինչ է հայտնի

Fri, 17 Jul 2026 12:00:39 +0400


Երևանի «Զվարթնոց» օդանավակայանում ձերբակալված Ալեքսանդր Երմակովի հարազատները փաստաբան են փնտրում նրա համար։ ՌԻԱ Նովոստիին այդ մասին ասել է նրա եղբայրը:

Երեկ ՏԱՍՍ–ը տեղեկացրել էր, որ Ալեքսանդր Երմակովը ձերբակալվել է օտարերկրյա իրավասու մարմինների հարցմամբ՝ համակարգչային մեքենայությունների գործի քննության շրջանակում։ Ըստ նույն աղբյուրի` նրան ձերբակալել են հունիսին։
«Մեր փաստաբանը մեկնել էր Երևան, բայց նրան թույլ չէին տվել հանդիպել Սաշայի հետ։ Այս պահին մենք փորձում ենք մեկ այլ փաստաբան գտնել։ Ընկերների, ծանոթների միջոցով արդեն 5-6 մարդու ենք զանգել։ Որոնումները դեռ շարունակվում են»,– ասել է Երմակովի եղբայրը։

Օմսկում ծնված Ալեքսանդր Երմակովը, որն ընտանիքի հետ բնակվում է Մոսկվայում, կնոջ հետ Հայաստան է եկել հանգստանալու: Եղբոր խոսքով՝ Ալեքսանդրին ձերբակալել են Երևանում՝ շփոթելով Ինտերպոլի կողմից հետախուզվող մեկ այլ տղամարդու հետ, որը նույն անուն–ազգանունն ունի, նույնպես ռուսաստանցի է և կասկածվում է բազմաթիվ կիբեռհարձակումների մեջ։
Եղբայրը վստահեցրել է, որ Ալեքսանդրը ոչ մի կապ չունի հետախուզվող հաքերի հետ։ Ռուսաստանում տղամարդը նախկինում աշխատել է Դաշնային քրեակատարողական ծառայությունում։

Նա նշել է, որ Ալեքսանդր Երմակովի ձերբակալման օրդերը տրվել է Երևանի օդանավակայանում նրան ձերբակալելուց մեկ օր առաջ։

© 2026 Secure News Portal

Source: Hraparak

Մասին Hraparak.am

Hraparak.am

Կարդացեք նաև

«Արցախը չի մոռացվել»․ կիպրոսցիներն էլ իրենց ցավի մասին հիշեցրին Երևանում

«Արցախը չի մոռացվել»․ կիպրոսցիներն էլ իրենց ցավի մասին հիշեցրին Երևանում Fri, 13 Nov 2026 12:48:40 …