Եզրափակիչը կհետաձգե՞ն. մանրամասներ

Fri, 17 Jul 2026 11:55:01 +0400

2026 թվականի ֆուտբոլի աշխարհի առաջնության եզրափակիչ հանդիպման անցկացումը կարող է խնդիրների առաջ կանգնել Կանադայում տարածվող խոշոր անտառային հրդեհների հետևանքով։ Մրցաշարի գլխավոր խաղում միմյանց դեմ են պայքարելու Իսպանիայի և Արգենտինայի ազգային հավաքականները։ Կանադայում բռնկված հրդեհների պատճառով առաջացած ծուխը տարածվել է երկրի մի շարք շրջաններում և հասել նաև ԱՄՆ-ի հյուսիսային նահանգներ։ Հատկապես տուժել են ԱՄՆ-ի հյուսիս-արևելյան հատվածները, այդ թվում՝ Նյու Յորքն ու Նյու Ջերսին, որտեղ օդի որակի վատթարացում է արձանագրվել։

Չնայած այս պահին եզրափակիչ հանդիպման հետաձգման հավանականությունը գնահատվում է ցածր, չի բացառվում, որ օդի աղտոտվածության վտանգավոր մակարդակի դեպքում կարող են քննարկվել խաղի անցկացման հետ կապված փոփոխություններ։ ՖԻՖԱ-ն ունի համապատասխան ընթացակարգեր՝ նման իրավիճակներում անվտանգության և կազմակերպչական հարցերը գնահատելու համար։ Աշխարհի առաջնության եզրափակիչը նախատեսված է անցկացնել հուլիսի 19-ին՝ Նյու Ջերսի նահանգի Իսթ Ռադերֆորդ քաղաքում գտնվող «Մետլայֆ» մարզադաշտում։