Ուժգին քամին խաթարել է միջազգային օդանավակայանի բնականոն աշխատանքը

Thu, 23 Jul 2026 18:00:13 +0400

Փչող ուժգին քամին խաթարել է Ստամբուլի միջազգային օդանավակայանի բնականոն աշխատանքը՝ խափանումներ առաջացնելով ավիահաղորդակցության ոլորտում։ Համաձայն տեղի մամուլում տեղ գտած հրապարակումների, քամու ուժգին պոռթկումները վատացրել են տեսանելիությունը, իսկ մի շարք դեպքերում ժամանող օդանավները չեն կարողացել վայրէջք կատարել։ Այս ֆոնին՝ ավիաընկերությունները իրենց չվացուցակային գրաֆիկներում փոփոխություն են մտցրել։

Ուժգին քամին տապալել է ծառեր, պոկել տանիքներ մի շարք շենքերից ու շինություններից, վնասել կայանատեղիներում կայանված մեքենաներ։ Որոշ շրջաններում վնասվել են նաեւ էներգամատակարարման հաղորդագծերը։ Եղել են փողոցներ, որտեղ երթեւեկությունը դժվարացել է ընկած ծառերի կամ կոնստրուկցիաների բեկորդների պատճառով։ Քամին հատկապես հարվածել է քաղաքի եվրոպական հատվածի թաղամասերին։