Երևան-Սևան ճանապարհին մոպեդի վթարը մահվան ելք է ունեցել

Fri, 31 Jul 2026 22:00:40 +0400

Հուլիսի 31-ին ողբերգական ճանապարհատրանսպորտային պատահար է տեղի ունեցել Գեղարքունիքի մարզում։ Ժամը 11:45-ի սահմաններում Երևան-Սևան-Իջևան ավտոճանապարհի 55-րդ կմ հատվածում Թուրքմենստանի Հանրապետության 37-ամյա քաղաքացի Բեգենչ Չ.-ն «Honda» մակնիշի մոպեդով դուրս է եկել երթևեկելի գոտուց և կողաշրջվել։

Վթարի հետևանքով մոպեդավարը մարմնական վնասվածքներով տեղափոխվել է «Սևան» բժշկական կենտրոն, որտեղ, ըստ հիվանդանոցից ստացված տեղեկության, գիտակցության չգալով մահացել է։

Դեպքի վայրում աշխատել են ոստիկանության և Քննչական կոմիտեի ծառայողները։ Դեպքի փաստով Սևանի քննչական բաժնում նախաձեռնվել է քրեական վարույթ, հանգամանքները պարզվում են։