Ստվերային դիվանագիտություն․ ինչ են քննարկել նախկին պաշտոնյանները

Wed, 05 Aug 2026 14:30:00 +0400

Մեծ Բրիտանիայի, Ֆրանսիայի, Գերմանիայի և Ռուսաստանի նախկին պաշտոնյաները հուլիսին հանդիպել են Վիեննայում, Ավստրիա, քննարկելու ռուս-ուկրաինական պատերազմը դադարեցնելու բանակցությունների պայմանները, հաղորդում է Bloomberg-ը՝ հղում անելով իրավիճակին ծանոթ աղբյուրներին։

Ըստ գործակալության՝ հանդիպմանը մասնակցել են Մեծ Բրիտանիայի ազգային անվտանգության հարցերով նախկին խորհրդական Թիմ Բարոուն, Գերմանիայի արտաքին գործերի նախարարության նախկին պետքարտուղար և Ռուսաստանում ԵՄ նախկին դեսպան Մարկուս Էդերերը, ինչպես նաև ԵՄ և Ֆրանսիայի նախկին բարձրաստիճան դիվանագետ Պիեռ Վիմոնտը։

Bloomberg-ի աղբյուրները չեն նշել, թե բանակցային թիմում որ նախկին ռուս պաշտոնյաներն են ընդգրկվել։