Թուրքիայում ընդդիմադիր կառույցի կին նախագահ է ձերբակալվել

Mon, 10 Aug 2026 16:00:35 +0400

Անկարայի գլխավոր դատախազության կողմից իրականացվող «Շահադիտական նպատակներով հանցավոր խմբավորում ստեղծելու» և «կաշառակերության» հատկանիշներով ընթացող հետաքննության շրջանակներում ձերբակալվել է «Նոր կուսակցության» (Yeni Parti) Մանիսայի նահանգային կառույցի հիմնադիր նախագահ Իլքսեն Օզալփերը։

Հետաքննությունը հիմնված է պաշտոնանկ արված Ուշաքի քաղաքապետ Օզքան Յալըմի ցուցմունքների, ինչպես նաև «Հանցավոր եկամուտների հետաքննության խորհրդի» (MASAK) զեկույցների և «Հեռախոսային զանգերի վերծանման» (HTS) տվյալների վրա։ Նույն գործի շրջանակներում ձերբակալվել են նաև Մանիսայի քաղաքապետարանի խորհրդական Դեմիրհան Գյոզաքանը, նրա վարորդը և «Şehzadeler A.Ş.» ընկերության գլխավոր տնօրենը, փոխանցում է Ermenihaber-ը։

«Նոր կուսակցության» ղեկավարությունը խստորեն դատապարտել է այս որոշումը։ Ադանայի պատգամավոր Բուրհանեթթին Բուլութը հայտարարել է, որ ձերբակալությունը ոչ թե իրավական, այլ քաղաքական բնույթ ունի՝ շեշտելով, որ սա ընդդիմությանը լռեցնելու փորձ է։