Թուրքիայում F-16 ուսումնամարզական ինքնաթիռ է կործանվել

Wed, 12 Aug 2026 23:30:01 +0400

Թուրքիայի Յալովա նահանգում ուսումնամարզական թռիչք իրականացնելիս վթարի է ենթարկվել Էսքիշեհիրի 1-ին ռազմաօդային բազային պատկանող «F-16» կործանիչը։ Այս մասին հայտնում է ermenihaber.am-ը։

Թուրքիայի պաշտպանության նախարարության հաղորդմամբ՝ ինքնաթիռի օդաչուն հասցրել է ինքնանետվել (կատապուլտվել) և ողջ է մնացել։ Նա տեղափոխվել է հիվանդանոց, նրա առողջական վիճակը գնահատվում է լավ։

Դեպքի վայր են ժամանել բժշկական և փրկարարական ծառայությունները։ Ավիավթարի հստակ պատճառները պարզելու համար նշանակվել է մանրամասն քննություն։