Թուրքիայի և Իսրայելի միջև պատերազմի վտա՞նգ կա

Wed, 19 Aug 2026 16:30:43 +0400

Թուրքիայում ԱՄՆ դեսպան Թոմ Բարաքը հայտարարել է, որ Սիրիայի Աբու Դուհուր ավիաբազայի վրա Իսրայելի կողմից իրականացված օդային հարվածը ստեղծել է արագ սրման իրական ռիսկ և կարող էր հանգեցնել Իսրայելի և Թուրքիայի, ինչպես նաև Սիրիայի միջև ուղղակի ռազմական բախման։

Ամերիկացի դիվանագետի խոսքով՝ թուրքական զինված ուժերը կարող էին օդ բարձրացնել կործանիչներ, եթե հարվածը ընկալեին որպես Իսրայելի կողմից թուրքական ուժերի վրա հարձակում։

«Երեկվա իրադարձությունները լուրջ և մտահոգիչ էին։ Այնուամենայնիվ, մենք թեթևացած ենք, որ ոչ ոք չի զոհվել, և իրավիճակը չի սրվել», – ասել է Բարաքը։

Նա ընդգծել է, որ միջադեպը ցույց է տվել Սիրիայում լարված իրավիճակի պայմաններում կողմերի միջև չնախատեսված բախման բարձր ռիսկը։