Թրամփի հարցը հասել է Գերագույն դատարան․ ինչ որոշում է կայացվել

Sun, 23 Aug 2026 19:30:23 +0400

ԱՄՆ Գերագույն դատարանը թույլատրել է ԱՄՆ նախագահ Դոնալդ Թրամփի վարչակազմին՝ շարունակել Սպիտակ տան նոր հանդիսությունների սրահի կառուցումը։ Գերագույն դատարանը ժամանակավորապես կասեցրել է Կոլումբիայի ֆեդերալ շրջանի դատարանի որոշումը, ըստ որի՝ շինարարությունը պետք է դադարեցվեր։ Վարչակազմը խնդրել էր, որպեսզի շինարարությունը չխոչընդոտվի, այդ թվում նաեւ՝ Թրամփի անվտանգությունն ապահովելու համար։

Հիշեցնենք, որ Կոլումբիայի շրջանի ֆեդերալ դատարանը որոշել էր, որ Սպիտակ տանը կից կառուցվող նոր հանդիսությունների սրահի շինարարությունը պետք է մասնակիորեն դադարեցվեր՝ մինչեւ որ դրա շարունակման համար կլիներ Կոնգրեսի թույլտվությունը։