Գերիների փոխանակում է տեղի ունեցել․ ինչ է հայտնի
Mon, 24 Aug 2026 19:43:36 +0400
Ռուսաստանն ու Ուկրաինան գերիների փոխանակում են իրականացրել Բելառուսի տարածքում։ Այս մասին հայտնել է բելառուսական «Առաջին լրատվական» հեռուստաալիքը:
«Ուկրաինայի 10 քաղաքացիներ և Ռուսաստանի Դաշնության 10 զինծառայողներ, որոնք գերության մեջ էին, վերադարձել են տուն», – ասվում է հաղորդագրության մեջ:
Նշվում է, որ Բելառուսի տարածքում փոխանակումն իրականացվել է հանրապետության նախագահ Ալեքսանդր Լուկաշենկոյի հանձնարարությամբ:
Հիշեցնենք, որ գերիների վերջին փոխանակումը տեղի էր ունեցել օգոստոսի 19-ին։ Այդ ժամանակ Ռուսաստան էր վերադարձել 103 ռուս զինծառայող, նույնքան մարդ փոխանցվել էր ուկրաինական կողմին։