ChatGPT-ն նոր հնարավորություն ունի

Mon, 24 Aug 2026 20:30:43 +0400

OpenAI ընկերությունը թարմացրել է ChatGPT չաթ-բոտը։ Այժմ այն արդեն կարող է կարդալ եւ վերլուծել iMessage-ի օգտատերերի նամակները, կազմել եւ ուղարկել նամակներ նրանց անունից։ Այս մասին հայտնում է Independent պարբերականը։ Նոր թարմացումը նախատեսված է Mac-երի համար եւ թույլ է տալիս չաթ-բոտին՝ արհեստական բանականության բազայի հիման վրա կազմելու եւ ուղարկելու նամակներ՝ օգտատիրոջ անունից։

Դա նաեւ թույլ է տալիս ChatGPT-ին նայել բոլոր նամակները՝ կարդալու եւ անալիզելու համար։ Ֆունկցիան պետք է ակտիվացնել «ձեռքով»։ Միաժամանակ, յուրաքանչյուր նամակն ուղարկելուց առաջ՝ համակարգը օգտատիրոջից թույլտվություն է հարցնելու։ Այս նորարարությունը, ըստ պարբերականի, կարող է հարուցել Apple-ի դժգոհությունը, քանի որ վերջինս հատկապես կարեւոր է նամակների գաղտնիությունը։ Երկու տեխնոլոգիական հսկաները այս հարցով նույնիսկ արդեն դատական վեճ ունեն։