Հայրենիք հանձնողը ձերբակալել է տալիս հայրենիք ազատագրող նախագահին

Tue, 25 Aug 2026 11:07:31 +0400

ԱԺ նախկին պատգամավոր Արսեն Ջուլֆալակյանը անդրադարձել է Ռոբերտ Քոչարյանի նկատմամբ տեղի ունեցող գործընթացներին՝ դրանք գնահատելով որպես Հայաստանի պետականության համար վտանգավոր զարգացումներ։

Նա նշել է, որ եթե որևէ մեկը դրական կամ ընդունելի է համարում այն իրավիճակը, երբ, իր ձևակերպմամբ, հայրենիքը հանձնած իշխանության ներկայացուցիչը ձերբակալել է տալիս հայրենիքի ազատագրման հետ կապվող նախկին նախագահին, ապա դա, իր կարծիքով, խոսում է ողջամտության հետ կապված լուրջ խնդիրների մասին։

Ջուլֆալակյանի խոսքով՝ հասարակությունը լիարժեքորեն չի գիտակցում, թե որքան հետևողականորեն են, իր գնահատմամբ, թուլացվում և քանդվում պետականության հիմքերը։

Նախկին պատգամավորն անդրադարձել է նաև հունիսի 8-ին՝ այն ներկայացնելով որպես Հայաստանի համար կարևոր քաղաքական փոփոխությունների հնարավոր օր։

«Հունիսի 8-ին պետք էր ազատագրել Հայաստանը: Արցախի երեք նախագահը Բաքվում, մեկը՝ Երևանում»,- նշել է նա։