Հայաստանը չի խորհրդակցում ԵԱՏՄ-ի հետ ԵՄ-ին անդամակցելու հարցով․ ՌԴ ԱԳՆ

Wed, 26 Aug 2026 10:37:37 +0400

Հայաստանը չի խորհրդակցում ԵԱՏՄ դաշնակիցների հետ Եվրոպական միությանն անդամակցելու նախապատրաստման հարցով։

Այս մասին ՌԻԱ Նովոստի-ին տված հարցազրույցում հայտնել է ՌԴ ԱԳՆ ԱՊՀ երկրների առաջին դեպարտամենտի տնօրեն Միքայել Աղասանդյանը։

Հիշեցնենք՝ օգոստոսի 24-ին ՀՀ վարչապետ Նիկոլ Փաշինյանը խորհրդարանում հայտարարեց, որ Երևանն առաջիկայում կսկսի ԵՄ-ին անդամակցելու հայտի նախապատրաստումը։

«Էական ռիսկեր ենք տեսնում Եվրոպական միությանն անդամակցելու Հայաստանի օրենսդրորեն ամրագրված նախապատրաստման հետ կապված, որը, ի դեպ, Հայաստանի իշխանություններն իրականացնում են առանց ԵԱՏՄ-ի գծով դաշնակիցների հետ որևէ խորհրդակցության»,-ասել է Աղասանդյանը։