Կրեմլի առաջին «արձագանքը»՝ Քոչարյանի ձերբակալության մասին

Wed, 26 Aug 2026 14:32:33 +0400

ՌԴ նախագահի մամուլի քարտուղար Դմիտրի Պեսկովը չի մեկնաբանել Հայաստանի նախկին նախագահ Ռոբերտ Քոչարյանի ձերբակալության հետ կապված իրավիճակը՝ նշելով, որ երկրում բարդ գործընթացներ են ընթանում։

«Չէի ուզի հիմա մեկնաբանել Հայաստանի ներքաղաքական իրադարձությունները, այնտեղ շատ բարդ գործընթացներ են ընթանում»,– ասել է Պեսկովը լրագրողներին, որոնք խնդրել են մեկնաբանել ՀՀ վարչապետ Նիկոլ Փաշինյանի` ընդդիմության հասցեին հնչեցրած մեղադրանքները, ինչպես նաև Քոչարյանի ձերբակալությունը։

ՌԴ նախագահի մամուլի քարտուղարը հույս է հայտնել, որ Հայաստանում տեղի ունեցող գործընթացները կիրականացվեն օրենքին համապատասխան, կպահպանվեն քաղաքական գործընթացի մասնակիցների բոլոր իրավունքները»։