Զինվորականին պայթեցրել են, կինը վիրավոր է․ ինչ է եղել Սանկտ Պետերբուրգում

Thu, 27 Aug 2026 14:30:46 +0400

Սանկտ Պետերբուրգի Սլավյանկա բանավանի Կոլպինսկոյե մայրուղում տեղի է ունեցել մեքենայի պայթյուն, որի հետևանքով զոհվել է ներսում գտնվող տղամարդը։

Ռուսական լրատվամիջոցների տվյալներով՝ պայթյունը տեղի է ունեցել կայանված մեքենայում։ Պայթյունի հետևանքով վնասվել են մոտակա մեքենաները։

«Ֆոնտանկա»-ն հաղորդում է, որ մահացածը զինծառայող է։

Նախնական տվյալներով՝ նրա կինը նույնպես մեքենայում է եղել նրա հետ։ Նա լուրջ վնասվածքներ է ստացել և հոսպիտալացվել է վերակենդանացման բաժանմունքում։