Տարհանել են մարդկանց, ծերանոցը․ Թուրքիայում սարսափելի հրդեհ է

Sat, 29 Aug 2026 16:00:32 +0400

Թուրքիայի Մուղլա նահանգի Ֆեթհիյե քաղաքի զբոսաշրջային գոտու մոտակայքում անտառային հրդեհ է բռնկվել։ Ուժեղ քամու պատճառով կրակը արագ տարածվել է ամբողջ տարածքում՝ մոտենալով տներին և զբոսաշրջային գոտուն, հաղորդում են թուրքական լրատվամիջոցները։

Շրջան են ուղարկվել բազմաթիվ անտառտնտեսության և հրշեջ ջոկատներ։ NTV-ի փոխանցմամբ՝ հրդեհի մոտ գտնվող որոշ տներ տարհանվել են։ Internet Haber-ը հաղորդում է, որ փրկարարները տարհանել են նաև ծերանոցը։