Թուրքիան լավատես է Հայաստանի և Ադրբեջանի հարցում

Sat, 29 Aug 2026 16:15:49 +0400

Թուրքիայի արտաքին գործերի նախարար Հաքան Ֆիդանը չի բացառել տարածաշրջանում միասնական անվտանգության ճարտարապետություն ստեղծելու հնարավորությունը:

Թուրքիայի արտաքին գործերի նախարարի խոսքով՝ նման նախաձեռնության իրականացումը հնարավոր կդառնա հարաբերությունների լիակատար կարգավորումից և Ադրբեջանի ու Հայաստանի միջև խաղաղության համաձայնագրի ստորագրումից հետո։

Դիվանագետը պարզաբանել է, որ այս փուլում գաղափարը դիտարկվում է բացառապես որպես ռազմավարական հեռանկար, այլ ոչ թե որպես ակտիվ բանակցությունների առարկա։

Ֆիդանը նշել է, որ Թուրքիան և Ադրբեջանը շարունակում են համատեղ նպաստել հայ-ադրբեջանական հարաբերությունների կարգավորմանը՝ վերջնական խաղաղությունը համարելով ամբողջ Հարավային Կովկասում անվտանգության հիմնական հիմքը։