Կոտրել են մայրաքաղաքի վարչակազմի տվյալների բազան
Mon, 07 Sep 2026 19:00:53 +0400
Ցանցահենները կոտրել են Գերմանիայի մայրաքաղաք Բեռլինի Սենատի տվյալների բազան եւ ձեռք գցել մայրաքաղաքային իշխանությունների տվյալները։ Ապա, դիմել են իշխանություններին, պահանջելով գումար՝ տվյալների չհանրայնացման համար։ Մերժում ստանալով՝ հրապարակել են բոլոր տվյալները։ այս մասին հայտարարել է գերմանացի հետաքննող լրագրող Լարս Վինքելսդորֆը։
Նշենք, որ Bild-ը հայտնել էր, որ Բեռլինի քաղաքային իշխանությունների վրա ցանցահենային հարձակում էր իրականացվել օգոստոսի 17-ին։ RBB-ն էլ հայտնել էր, որ հարձակումն իրականացրել է Rhysida ցանցահենային խումբը։ Վերջինս հրապարակել է Բեռլինի Սենատին պատկանող 1,4 միլիոն ֆայլ, որոնք գողացվել են ցանցահենային հարձակման ժամանակ։ Գումարը, որ պահանջել են չհրապարակման դիմաց, կազմել է 2 միլիոն եվրո։ Դեպքի հետ կապված սկսվել է հետաքննություն։