Դատավորը երկմտում է՝ Արգամ Աբրահամյանին ազատ արձակե՞լ, թե՞ ոչ

Mon, 14 Sep 2026 18:29:33 +0400

«Հրապարակ»-ի տեղեկություններով՝ Արգամ Աբրահամյանի կալանքի դեմ բողոքը արդեն տևական ժամանակ Վերաքննիչ քրեական դատարանում է՝ հայտնի դատավոր Սևակ Համբարձումյանի վարույթում։ Դատավորը օրերս պետք է հրապարակեր որոշումը, սակայն որոշել է հրապարակումը ևս 10 օրով հետաձգել։ Պարզ չէ, թե ինչն է պատճառը՝ ինչ ճշտումներ է անում դատավորը, կամ՝ ում հրահանգին է սպասում։

Հիշեցնենք, որ Աբրահամյանը կալանավորվել է մի քանի տարի առաջ տեղի ունեցած Սողոմոն Վլասյանի սպանությունը պատվիրելու և սպանության կատարմանը դրդելու կասկածանքով։ Քննչական մարմնի վարկածով՝ նա սպանությունը պատվիրել է իր անվտանգության աշխատակից Գեղամ Հակոբյանին, որը, ըստ քննության, հանդիսացել է սպանության անմիջական կատարողը։ Աբրահամյանը մեղադրանքը չի ընդունում։
Փորձեցինք մեկնաբանություն ստանալ Արգամ Աբրահամյանի պաշտպանից, սակայն նա մեր զանգերին չպատասխանեց։