Նոր անկարգություններ՝ բենզինի թանկացման պատճառով

Tue, 15 Sep 2026 12:30:02 +0400

Իրավիճակը Սիրիայում շարունակում է լարված մնալ․ վառելիքի գների բարձրացման պատճառով զանգվածային բողոքի ակցիաները և անկարգությունները շարունակվում են:

Ավելի վաղ հայտնել ենք, որ սեպտեմբերի 12-ին Դամասկոսի իշխանությունները դիզելային վառելիքի արժեքը բարձրացրել են 40%-ով, բենզինը՝ 26-28%-ով, գազը՝ մոտ 9%-ով:

Երկրով մեկ բնակիչներն անվադողեր են այրում, փակում առանցքային ճանապարհները, արգելափակում դեպի նավթագործարաններ շարժվող բենզատարները։Ցուցարարները պահանջում են չեղարկել թանկացումները, ինչպես նաև պաշտոնանկ անել էներգետիկայի և էկոնոմիկայի նախարարներին:

Բախումներ են տեղի ունենում ցուցարարների և այսպես կոչված ներքին անվտանգության ուժերի միջև։ Նշվում է, որ Սիրիայում ներկայիս անկարգությունները 2024 թվականի դեկտեմբերին երկրի առաջնորդ Բաշար Ասադի տապալումից ի վեր ամենախոշորն են։