Առևտրի ապրանքը հայկական հողե՞րն են․ ԱԳՆ-ի անվանափոխության մասին

Thu, 17 Sep 2026 11:32:02 +0400

ԱԺ նիստում «Ուժեղ Հայաստան» խմբակցության պատգամավոր Նարեկ Կարապետյանը քննադատել է իշխանությունների վարած արտաքին քաղաքականությունը՝ հայտարարելով, որ վերջին տարիներին Հայաստանի արտաքին քաղաքականության օրակարգում գերակշռել է միջազգային առևտրի թեման։

Նրա խոսքով՝ իշխանությունը տարբեր հարցերում իր մոտեցումները ներկայացնում է բացահայտ և առանց թաքցնելու, թե ինչ քաղաքականություն է վարում։ Այս համատեքստում Կարապետյանն անդրադարձել է նաև արտաքին գործերի նախարարության անվանափոխությանը՝ այն կապելով միջազգային առևտրի ուղղության հետ։

Պատգամավորը պնդել է, որ այդ քաղաքականության արդյունքում «առևտրի առարկա» են դարձել հայկական հողերը։

«ԱԳՆ-ն մի բան է արել այս վերջին տարիների ընթացքում՝ միջազգային առևտուր է արել, բայց առևտուրը հայկական հողերն են եղել»,- ասել է նա։