Ռոնալդուի հետ սկանդալի պատճառով հավաքականը հետեւորդներ է կորցնում

Sat, 03 Oct 2026 23:15:19 +0400

Ֆուտբոլի Պորտուգալիայի հավաքականը մոտ 1,5 միլիոն հետեւորդ է կորցրել Instagram սոցկայքում այն բանից հետո, երբ սկանդալ է եղել հավաքականի հարձակվող Քրիշտիանու Ռոնալդուի հետ եւ վերջինս հայտարարել է, որ գոնե առաջիկա հանդիպումներում հանդես չի գալու հավաքականի կազմում։

Record թերթը գրում է, որ որոշ մարդիկ դժգոհել են դրանից եւ հայտարարել, որ Ռոնալդուի հետ ունեցած խնդրի պատճառով իրենք այլեւս չեն լինելու հավաքականի հետեւորդը։ Դա, ըստ ֆուտբոլի ոլորտի մասնագետների, սպասելի վերաբերմունք էր, հաշվի առնելով, թե ինչքան մեծ հեղինակություն եւ հռչակ է վայելում Ռոնալդուն ամբողջ աշխարհում։