Զոհված զինծառայողների մարմինների հերթական փոխանակումը

Thu, 17 Sep 2026 16:00:53 +0400

Ուկրաինա-բելառուսական «Նովայա Գուտա» անցակետում տեղի է ունեցել ռուս և ուկրաինացի զինծառայողների մարմինների փոխանակում։ Այս մասին հայտնում է բելառուսական «Բելտա» տեղեկատվական գործակալությունը։

«Ռուսաստանն Ուկրաինային է փոխանցել 252 զոհվածի մարմին, Ուկրաինան՝ 23 զոհված զինծառայողի մարմին»,- ասված է հաղորդագրության մեջ։

Նախորդ փոխանակումը տեղի էր ունեցել օգոստոսի 13-ին։ Այն ժամանակ ուկրաինական կողմին էր փոխանցվել 261 մարմին, ռուսական կողմին՝ 24։