Սամվել Կարապետյանը՝ իրեն ունեզրկելու հայտարարության մասին

Thu, 17 Sep 2026 16:04:52 +0400

«Ուժեղ Հայաստան» կուսակցության առաջնորդ Սամվել Կարապետյանը դատարանի բակում անդրադարձել է վարչապետ Նիկոլ Փաշինյանի վերջին հայտարարություններին, որոնցում Փաշինյանը նշել էր, թե ընդդիմության առաջնորդները պետք է սպասեն ամսի 1-ին՝ թոշակները բանկային քարտերին փոխանցվելուն։

Կարապետյանի խոսքով՝ նման հայտարարությունները հերթական սրացման դրսևորումն են։

Լրագրողները նաև հարցրել են՝ հնարավո՞ր է արդյոք Հայաստանում իրեն ունեզրկել։ Ի պատասխան՝ Կարապետյանը կարճ պատասխանել է՝ «Իհարկե ոչ»։

Անդրադառնալով բանտում գտնվող ընդդիմադիր գործիչներին՝ «Ուժեղ Հայաստան»-ի առաջնորդը նշել է, որ նրանցից նրանք, ովքեր այժմ կալանքի կամ ազատազրկման մեջ են, դուրս կգան բանտից։ Միաժամանակ նա ընդգծել է, որ այն մարդիկ, ովքեր, իր գնահատմամբ, պետք է գտնվեն բանտում, կլինեն բանտում: