Սադրու՞մ են․ ՌԴ ԱԽ-ն լուրջ մեղադրանքներ ունի ՀՀ իշխանությունների հասցեին

Fri, 18 Sep 2026 13:07:54 +0400

Ռուսաստանի Անվտանգության խորհրդի քարտուղարի տեղակալ Ալեքսեյ Շևցովը հայտարարել է, որ Հայաստանի իշխանությունները փորձում են «արժեզրկել ռուսական ակտիվները՝ դրանց սեփականատերերին ստիպելու վաճառել դրանք»։

«Մենք տեսնում ենք նշաններ, որ Հայաստանում գործող ռուսական արդյունաբերական և ենթակառուցվածքային ձեռնարկությունները կարող են հաջորդ թիրախը լինել», – ասել է Շևցովը։

Նրա խոսքով՝ «տարածվում են տեսություններ նրանց թերֆինանսավորման, ներդրումային միջավայրի վրա բացասական ազդեցության, նրանց գործունեության հետևանքով շրջակա միջավայրին հասցված վնասի և աշխատակիցների ցածր աշխատավարձի մասին»։