Հորմուզի նեղուցի բացման հարցում պայմանավորվել են

Sat, 19 Sep 2026 23:45:24 +0400

Իրանն ու Օմանը պայմանավորվել են, թե ինչպես են բացելու Հորմուզի նեղուցը՝ ազատ նավագնացության համար։ այս մասին Չինաստանի ԱԳ նախարար Վան Իի հետ հանդիպումից հետո հայտարարել է Իրանի ԱԳ նախարար Աբաս Արաղչին։ «Իրանական կողմը կարծում է, որ Միացյալ Նահանգների եւ Իրանի միջեւ փոխըմբռնման հուշագիրը նախկինի նման շարունակում է գործել։ Իրանը համաձայնեցրել է Օմանի հետ Հորմուզի նեղուցի բացման հարցը եւ կարծում է, որ ամերիկյան կողմը պետք է բարեխղճորեն կատարի այն բոլոր հանձնառությունները, որոնք ստանձնել է»,- ասել է Իսլամական Հանրապետության արտաքին քաղաքական գերատեսչության ղեկավարը։