Ժամանակը եկել է

Thu, 24 Sep 2026 16:39:31 +0400

Արցախցիների առկա խնդիրների վերաբերյալ ձևակերպված հարցերը ներկայացվել են Ազգային ժողով։ Այդ մասին տեսաուղերձում հայտնել է «Վերածնվող Արցախ» ՀԿ նախագահ Անաստաս Իսրայելյանը։

Նրա խոսքով՝ փաստաթղթերը խորհրդարան են ներկայացվել սեպտեմբերի 17-ին ձեռք բերված պայմանավորվածությունների համաձայն։ Այժմ արցախցիները սպասում են խորհրդարանական երեք խմբակցությունների արձագանքին և հարցերի քննարկման նպատակով լսումների կազմակերպմանը։

Իսրայելյանը նշել է, որ իրենց ներկայացրած օրակարգը շարունակում է մնալ անփոփոխ, և առաջիկայում ևս պատրաստվում են հետևողականորեն առաջ տանել բարձրացված խնդիրները։

«Եկել է ժամանակը, որ մեր հարցերի լուծումները ստանանք»,- ասել է նա: