Ավելի քան 100 մարդ գանգուղեղային վնասվածք է ստացել, երեքը՝ դիմել են դատարան

Fri, 25 Sep 2026 20:30:38 +0400

Միացյալ Նահանգներում վերջին երկու տարում Կալիֆորնիայի զվարճանքների պուրակի Х2 ամերիկյան բլուրների ատրակցիոնից ավելի քան հարյուր մարդ ստացել է գանգուղեղային վնասվածք։ Երեք հոգի դատարան է դիմել՝ հայց ներկայացնելով ընդդեմ զվարճանքների պուրակի։ Այս մասին հայտնում է NBC News-ը։ Հայցադիմումները ներկայացվել են նահանգի Գերագույն դատարանի։ Որպես պատասխանաող կողմեր են նշված Six Flags Magic Mountain զվարճանքների պուրակն ու ատրակցիոնի արտադրող ընկերությունը։ Հայցում նշվում է, որ ատրակցիոնը բացասական ազդեցություն է ունենում մարդկանց առողջության վրա։ Նշենք, որ Х2 ամերիկյան բլուրենրը ներկայումս ժամանակավորապես չեն գործում։