Հինգշաբթի , 19 Նոյեմբերի 2026

Նախկին նախագահի որդին գործողից աննշան առավելություն ունի․ 2-րդ փուլ կլինի

Նախկին նախագահի որդին գործողից աննշան առավելություն ունի․ 2-րդ փուլ կլինի

Mon, 05 Oct 2026 12:00:37 +0400


Բրազիլիայի նախագահական ընտրությունների արդյունքը կորոշվի երկրորդ փուլով, հայտարարել է երկրի Գերագույն ընտրական դատարանը։ Հավակնորդներն են գործող նախագահ Լուիս Ինասիո Լուլա դա Սիլվան և սենատոր Ֆլավիո Բոլսոնարոն։

BBC-ի հաղորդմամբ՝ գրեթե բոլոր քվեաթերթիկների հաշվարկից հետո նախկին նախագահ Ժաիր Բոլսոնարոյի որդին Լուլային գերազանցում է մոտ երկու տոկոսային կետով։

Առաջին փուլում հաղթելու համար անհրաժեշտ էր ձայների առնվազն 50%-ը, սակայն թեկնածուներից ոչ մեկին դա չհաջողվեց։ Երկրորդ փուլը կկայանա հոկտեմբերի 25-ին։ Քվեաթերթիկների 98.64%-ի հաշվարկից հետո Ֆլավիո Բոլսոնարոն ստացել էր ձայների 47.27%-ը, իսկ Լուլան՝ 44.88%-ը։

Լուլան արդյունքը անսպասելի է անվանել. «Խոստովանում եմ՝ համոզված էի, որ կհաղթեմ առաջին փուլում։ Խաղը նոր է սկսվում։ Մենք ունենք լրացուցիչ ժամանակ, և այս լրացուցիչ ժամանակում մենք բրազիլացի ժողովրդին կգրավենք մեր կողմը»։

Բրազիլիայի նախագահը առաջին փուլի արդյունքը անվանել է «ժողովրդավարության դաս» և կոչ արեց իր կողմնակիցներին միավորվել։

Իր հերթին, Բոլսոնարոն հայտարարել է, որ շատ գոհ է «իրական հնարավորությունից, որ երեք շաբաթից Բրազիլիան կունենա վերջնական պատասխան՝ ընտրելով ժամանակակից կառավարություն», նրա խոսքերը մեջբերել է AFP-ն։

© 2026 Secure News Portal

Source: Hraparak

Մասին Hraparak.am

Hraparak.am

Կարդացեք նաև

Թրամփը չի բացառել Չինաստանում Կիմ Չեն Ընի հետ հանդիպումը․ նոր առաջարկ Պեկինին

Թրամփը չի բացառել Չինաստանում Կիմ Չեն Ընի հետ հանդիպումը․ նոր առաջարկ Պեկինին Tue, 17 Nov …