«Ովքե՞ր են Սրբազանի մասին խոսում»

Tue, 06 Oct 2026 13:43:54 +0400

ԱԺ-ում հերթական բանավեճն է ծավալվել իշխանության և ընդդիմության ներկայացուցիչների միջև՝ եկեղեցու և հոգևորականների քաղաքական գործունեության թեմայով։

Ընդդիմադիր փոխխոսնակ Արամ Վարդևանյանը, արձագանքելով ՔՊ-ական պատգամավոր Արման Եղոյանի հայտարարությանը, քննադատել է իշխանության ներկայացուցիչների գնահատականները Սրբազանի վերաբերյալ։

Վարդևանյանը հայտարարել է, որ Սրբազանի մասին նման գնահատականներ են հնչեցնում այն մարդիկ, որոնք, իր պնդմամբ, նախկինում մի քանի կարգալույծ հռչակված հոգևորականների ուղղորդել են Վեհարանի դռները ջարդելու գործողություններին։

Նշենք, որ Արման Եղոյանն ավելի վաղ հայտարարել էր, որ Հայ Առաքելական եկեղեցու նվիրապետության բարձր դաս ունեցող արքեպիսկոպոսի կողմից քաղաքական շարժում սկսելը և այն «Սրբազան» անվանելը խնդրահարույց է։