«Ռուսական բանակը Պուտինի ծննդյան օրը մեզ նվիրեց․․․»․ Զելենսկու արձագանքը
Wed, 07 Oct 2026 14:00:33 +0400
Ուկրաինայի նախագահ Վլադիմիր Զելենսկին հայտարարել է, որ Չեռնիգովի մարզի Պրիլուկիում ռուսական հրթիռային հարվածի հետևանքով զոհվել է հինգ մարդ, 26-ը՝ վիրավորվել։
Վիրավորների թվում կան հինգ երեխաներ։ Նա հավելել է, որ փլատակներում հավանաբար կարող են մարդիկ լինել։
«Պուտինի ծննդյան օրը ռուսական բանակը նվիրել է Չեռնիգովի մարզի Պրիլուկիում բնակելի շենքի ոչնչացում», – նշել է նա։
Զելենսկին նաև հայտնել է Դնեպրում, Կրեմենչուկում, Զապորոժիեում և Կիևում բնակելի շենքերի վնասների մասին։ Նա նաև հայտնել է երկու զհի մասին Կիևում և երկուսի մասին Ալեքսանդրիայում։
Ըստ Ուկրաինայի նախագահի, էներգետիկ ենթակառուցվածքները հարվածի հիմնական թիրախներից մեկն էին։ Նա հայտարարել է, որ Ռուսաստանը մոտ 70 հրթիռ է արձակել, այդ թվում՝ բալիստիկ հրթիռներ, ինչպես նաև անօդաչու թռչող սարքեր։
«Ռուսական բալիստիկ հրթիռները մնում են ամենամեծ խնդիրը։ Եվ ՀՕՊ համակարգերը այժմ կենսական նշանակություն ունեն մեզ համար», – հավելել է Զելենսկին։