Պուտինի, Ալիևի հետ կհանդիպի Թուրքմենստանում

Thu, 08 Oct 2026 11:45:38 +0400

ՀՀ վարչապետ Նիկոլ Փաշինյանը Թուրքմենստան կատարելիք այցի ընթացքում շփումներ կունենա Ռուսաստանի նախագահ Վլադիմիր Պուտինի և Ադրբեջանի նախագահ Իլհամ Ալիևի հետ։ Այս մասին Փաշինյանը հայտնել է կառավարության նիստից հետո լրագրողների հետ զրույցում։

Փաշինյանի խոսքով՝ ԱՊՀ երկրների ղեկավարների գագաթնաժողովի ձևաչափը հնարավորություն է տալիս հանդիպման շրջանակում շփումներ ունենալ ինչպես Պուտինի, այնպես էլ Ալիևի հետ։

Միաժամանակ, ըստ վարչապետի, երկու երկրների ղեկավարների հետ առանձին պաշտոնական հանդիպումներ նախատեսված չեն։ Նա նշել է, որ նման դեպքերում նախկինում էլ եղել է, երբ հանդիպման վայրում կողմերը պայմանավորվել են զրուցել՝ որևէ հարց քննարկելու անհրաժեշտության դեպքում։

Փաշինյանը Թուրքմենստան է մեկնում ԱՊՀ երկրների ղեկավարների գագաթնաժողովին մասնակցելու նպատակով։