Հայաստանից բոլորի տվյալները հասանելի կլինեն ԱՄՆ-ին՝ առանց իշխանությունների համաձայնության․ ՌԴ ԱԽ

Thu, 08 Oct 2026 13:37:35 +0400

ՌԴ Անվտանգության խորհրդի քարտուղարի տեղակալ Ալեքսեյ Շևցովը զգուշացրել է Հայաստանում նոր տվյալների կենտրոնի՝ արևմտյան հատուկ ծառայությունների կողմից Ռուսաստանի, Իրանի և այլ երկրների դեմ հնարավոր օգտագործման մասին։

«Նման կենտրոնները կարող են օգտագործվել արևմտյան հատուկ ծառայություններին սպասարկող վերլուծական և հետախուզական աշխատանքներ կատարելու համար, այդ թվում՝ Իրանի, Ռուսաստանի, Անդրկովկասի և Կենտրոնական Ասիայի պետությունների դեմ», – լրագրողներին ասել է Շևցովը։

Նա մեկնաբանել է օգոստոսի սկզբին Հրազդան քաղաքում NVIDIA պրոցեսորներով աշխատող Firebird AI-ի արհեստական ​​բանականության տվյալների կենտրոնի բացումը։

Անվտանգության խորհրդի փոխքարտուղարի խոսքով՝ «հաշվի առնելով, որ Firebird-ը ենթարկվում է ԱՄՆ օրենսդրությանը, ԱՄՆ հատուկ ծառայությունները կունենան հասանելիություն դրա սերվերներում մշակվող բոլոր տվյալներին»։

«Սա նշանակում է, որ Հայաստանի պետական ​​​​մարմինների, ընկերությունների և քաղաքացիների տվյալները հասանելի կլինեն ԱՄՆ-ին՝ առանց Հայաստանի իշխանությունների համաձայնության», – նշել է Շևցովը։