Մի քանի ժամով լույս, ջրի և սննդի պակաս․ կիևցիներիին «դաժան» օրեր են սպասվում

Sun, 11 Oct 2026 16:30:19 +0400

Հոկտեմբերի 11-ի առավոտյան Կիևում և Կիևի մարզում էլեկտրաէներգիայի անջատումների արտակարգ ռեժիմ է մտցվել՝ «Ուկրէներգո»-ի հրամանով, հաղորդում է РБК-Украина-ն։ Արտակարգ անջատումների ժամանակ ժամանակացույց չի գործում։ Կիրակի օրը Ուկրաինայի մի քանի շրջաններում էլեկտրաէներգիայի սպառման սահմանափակումներ են մտցվել՝ էներգետիկ օբյեկտների վրա ռուսական հրթիռային և անօդաչու թռչող սարքերի հարվածների հետևանքների պատճառով։ Ժամային անջատումներ են գործում սպառողների բոլոր կատեգորիաների համար՝ տեղական ժամանակով ժամը 16:00-ից մինչև 23:59-ը։ Մասնագետների գնահատմամբ՝ եթե հրետակոծությունները շարունակվեն, Կիևը կարող է այս ձմռանը օրական 4-6 ժամ էլեկտրաէներգիայի անջատումների ենթարկվել։ Ամենավատ դեպքում էլեկտրաէներգիայի անջատումները կարող են տևել մինչև 18 ժամ, հնարավոր են նաև ջրամատակարարման խափանումներ։ Արտակարգ իրավիճակների ռիսկի պատճառով Կիևի բնակիչներին կոչ է արվել նախապես ջրի և սննդի պաշարներ հավաքել։