Ուկրաինային նոր առաջնո՞րդ է պետք․ Զելենսկին պատասխանեց Թրամփին

Tue, 13 Oct 2026 00:00:14 +0400

Ուկրաինայի նախագահ Վլադիմիր Զելենսկին հայտարարել է ընտրություններ անցկացնելու իր պատրաստակամության մասին, սակայն ընդգծել է, որ երկրին առնվազն 60 օր կպահանջվի քվեարկությանը նախապատրաստվելու և անվտանգությունն ապահովելու համար։

«Եթե Թրամփը ցանկանում է փոխարինել Ուկրաինայի առաջնորդին, նա պետք է իմանա. միայն մեր ժողովուրդը կարող է փոխել առաջնորդին։ Եվ ես իսկապես պատրաստ եմ ընտրություններին։ Բայց մեզ առնվազն 60 օր է պետք ենթակառուցվածքներն ապահովելու և քվեարկությանը նախապատրաստվելու համար», – ասել է Զելենսկին Fox News-ին տված հարցազրույցում։

Նա նշել է, որ Ուկրաինայի վրա հարձակումները տեղի են ունենում ամեն ժամ։

«Խոսքը հազարավոր անօդաչու թռչող սարքերի, բալիստիկ և թևավոր հրթիռների մասին է։ Ինչպե՞ս կարող են մարդիկ քվեարկել նման պայմաններում», – նշել է ուկրաինացի առաջնորդը։

Ավելի վաղ ԱՄՆ նախագահ Դոնալդ Թրամփը հրապարակավ կոչ էր արել ուկրաինացիներին ընտրել նոր առաջնորդ։