Երևանում կրկին փողոցներ կանվանափոխվեն

Tue, 13 Oct 2026 14:15:26 +0400

Երևանում ևս 2 փողոց կանվանափոխվի։ Ավագանու այսօրվա որոշման համաձայն` Նոր Արեշի 3-րդ փողոցն այսուհետ կկոչվի բանաստեղծուհի, գրող, թարգմանիչ և հասարակական գործիչ Մետաքսեի անունով՝ Մետաքսեի փողոց, իսկ Շենգավիթ վարչական շրջանի Ֆրունզեի փողոցը կկոչվի Երվանդունիների փողոց:

Նախագծի հիմնավորման մեջ նշված է, որ Միխայիլ Ֆրունզեի (1885–1925 թթ.) կենսագրությունն ու գործունեությունը հիմնականում կապված են Ռուսական կայսրության և Խորհրդային Ռուսաստանի քաղաքական ու ռազմական պատմության հետ։