Ուկրաինայի դեմ պատերեազմը մեկ տարածքի համար է․Ռուբիո

Sat, 24 Oct 2026 10:30:55 +0400

ԱՄՆ պետքարտուղար Մարկո Ռուբիոն հայտարարել է, որ Ռուսաստանի պատերազմը Ուկրաինայի դեմ վերաբերում է Դոնբասին, մի տարածաշրջանի, որը Մոսկվան փորձում է ռազմական ճանապարհով գրավել, բայց Կիևը հրաժարվում է հանձնվել։ Ռուբիոն այս հայտարարությունն արել է India Today-ին տված հարցազրույցում, որը հրապարակվել է ԱՄՆ պետքարտուղարության կայքում։

«Մարդիկ անընդհատ ասում են, որ սա «պատերազմ է Ուկրաինայում»։ Այս պատերազմը Դոնբասի համար է։ Այն երկրի մեկ տարածաշրջանի համար է», – ասել է պետքարտուղարը։

Ռուբիոյի խոսքով՝ սա վերաբերում է Ուկրաինայի տարածքի մոտավորապես 11%-ին, որը Ռուսաստանը ձգտում է գրավել, բայց չի կարողանում ռազմական ճանապարհով ձեռք բերել։ Միևնույն ժամանակ, հավելել է Ռուբիոն, Ուկրաինան չի ցանկանում հրաժարվել այդ տարածքներից։ «Հիմնվելով ինքնիշխանության և սեփական երկարաժամկետ անվտանգության նկատառումների վրա», – բացատրել է պետքարտուղարը Կիևի դիրքորոշումը։

Ռուբիոն կարծում է, որ պատերազմն ավարտելու համար անհրաժեշտ կլինեն զիջումներ երկու կողմերից։ Նա նշել է, որ հակամարտությունը չի կարող լուծվել մարտադաշտում. այն կարող է ավարտվել միայն դիվանագիտության միջոցով. «Հարցն այն է, թե արդյոք հնարավոր է հասնել այնպիսի արդյունքի, որտեղ երկու կողմերն էլ որոշակի օգուտ կստանան, բայց նաև զիջումներ անեն և դա մինչև վերջ տանեն»։

Ռուբիոյի խոսքով՝ Միացյալ Նահանգները պատրաստ է շարունակել միջնորդել Կիևի և Մոսկվայի միջև բանակցություններում։ Միևնույն ժամանակ, նա ընդունել է, որ երկու կողմերի միջև հանդիպումը չի երաշխավորում լուծում. «Դժվար է, բայց ես ձեզ կասեմ. անկախ նրանից, թե որքան դժվար է, դա անհնար է անել, եթե երկու կողմերն էլ չնստեն և չսկսեն խոսել, և մենք ուրախ կլինենք միջնորդի դեր խաղալ։ Դա է, ինչ մենք փորձում ենք անել. մենք չենք ասում, որ նրանց պարզապես նույն սենյակում հավաքելը կլուծի խնդիրը, բայց մենք այն լուծելու չնչին հնարավորություն չունենք, եթե չկարողանանք նրանց նույն սենյակում հավաքել»։