Վեհափառը Նորվիչի թեմակալ առաջնորդի հետ հանդիպմանը կարևորել է միջեկեղեցական գործակցությունը

Վեհափառը Նորվիչի թեմակալ առաջնորդի հետ հանդիպմանը կարևորել է միջեկեղեցական գործակցությունը

Sun, 25 Oct 2026 19:06:19 +0400


Հոկտեմբերի 25-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Անգլիկան Եկեղեցու Նորվիչի թեմակալ առաջնորդ, COP17 համաժողովին մասնակից Անգլիկան եկեղեցու պատվիրակության ղեկավար Գրեհեմ Բարհամ Աշեր եպիսկոպոսին։

Հանդիպմանը Ամենայն Հայոց Կաթողիկոսը գոհունակությամբ անդրադարձավ Հայ Առաքելական և Անգլիկան Եկեղեցիների բարեկամական հարաբերություններին՝ իր գնահատանքը հայտնելով Հայոց Եկեղեցուն ու հայ ժողովրդին ցուցաբերվող զորակցության առնչությամբ։
Հայոց Հայրապետը նաև կարևորեց միջեկեղեցական երկխոսությունն ու գործակցությունը՝ ի խնդիր մարդկության առջև ծառացած մերօրյա մարտահրավերների հաղթահարման։ Այս համատեքստում

Նորին Սրբությունը ընդգծեց քրիստոնեական հավատքի դերը մարդու հոգևոր ու բարոյական նկարագրի ձևավորման գործում՝ արարչագործության խնամքը դիտարկելով որպես Աստծու և մերձավորի հանդեպ սիրո ու պատասխանատվության արտահայտություն։

Իր հերթին Գրեհեմ Աշեր եպիսկոպոսը շնորհակալություն հայտնեց Ամենայն Հայոց Կաթողիկոսին ընդունելության համար՝ փոխանցելով Քենթերբերիի արքեպիսկոպոսի բարեմաղթանքներն ու աղոթական զորակցությունը։ Նա կարևորեց երկու Եկեղեցիների դարավոր հարաբերություններն ու միջեկեղեցական գործակցությունը՝ իր աջակցությունը հայտնելով Ամենայն Հայոց Կաթողիկոսին և հայ ժողովրդին։

Հանդիպման ավարտին Ամենայն Հայոց Կաթողիկոսն իր ողջույններն ու բարեմաղթանքները փոխանցեց Քենթերբերիի արքեպիսկոպոս Սառա Էլիզաբեթ Մալալիին։

© 2026 Հրապարակ

Source: Hraparak

Hraparak.am

Recent Posts

Գյումրիում «Տիկնիկը» ծեծել է զբոսաշրջիկին․ ավագանու նիստին հիշեցին զավեշտալի միջադեպը

Գյումրիում «Տիկնիկը» ծեծել է զբոսաշրջիկին․ ավագանու նիստին հիշեցին զավեշտալի միջադեպը Tue, 17 Nov 2026 20:22:02…

7 րոպե ago

Այս իշխանությունը մահվան մանգաղը ձեռքին հնձում է անմեղ մարդկանց ճակատագրերն ու կյանքերը

Այս իշխանությունը մահվան մանգաղը ձեռքին հնձում է անմեղ մարդկանց ճակատագրերն ու կյանքերը Tue, 17 Nov…

11 րոպե ago

ԵՄ որոշ երկրներ որոշել են, որ կարող են անկախանալ

ԵՄ որոշ երկրներ որոշել են, որ կարող են անկախանալ Tue, 17 Nov 2026 20:15:46 +0400…

13 րոպե ago

Ընդունել է մեղքը եւ ներողություն խնդրել սեքսուալ բռնության համար

Ընդունել է մեղքը եւ ներողություն խնդրել սեքսուալ բռնության համար Tue, 17 Nov 2026 20:00:29 +0400…

29 րոպե ago

Ադրբեջանի կողմից նոր նախապայմաններ չդնելու միակ երաշխավորությունը ՀՀ խաղաղությունն է

Ադրբեջանի կողմից նոր նախապայմաններ չդնելու միակ երաշխավորությունը ՀՀ խաղաղությունն է Tue, 17 Nov 2026 19:52:50…

36 րոպե ago

Փաշինյանի պահանջով արգելանք է դրվել թերթի դրամական հաշիվների վրա

Փաշինյանի պահանջով արգելանք է դրվել թերթի դրամական հաշիվների վրա Tue, 17 Nov 2026 19:45:15 +0400…

44 րոպե ago