Գյուղատնտեսական գործունեությունը հարկման համակարգում ներառելու ժամանակն է

Thu, 29 Oct 2026 12:35:43 +0400

Գյուղատնտեսական գործունեությունը հարկման համակարգում ներառելու ժամանակն է։ Այս մասին հոկտեմբերի 29-ին կառավարության նիստի ընթացքում հայտարարել է վարչապետ Նիկոլ Փաշինյանը։

Նրա խոսքով՝ գյուղատնտեսությամբ զբաղվող քաղաքացիները ներկայումս ամբողջությամբ ներառված չեն պետական բյուջեի ձևավորման համակարգում։

Փաշինյանը նշել է, որ դրա հետևանքով գյուղատնտեսները չեն օգտվում սոցիալական մի շարք հնարավորություններից․ մասնավորապես, չունեն միջին կենսաթոշակային ապահովություն, չեն ընդգրկվում բժշկական ապահովագրության համակարգում և չեն կարող օգտվել եկամտային հարկի վերադարձի ծրագրերից։