Մակունցի աշխատավարձը նախատեսվում է բարձրացնել 116 տոկոսով
Tue, 03 Nov 2026 12:12:00 +0400
Վարչապետի աշխատակազմի ղեկավար Լիլիթ Մակունցի աշխատավարձը նախատեսվում է բարձրացնել 116 տոկոսով՝ ներկայիս 998 հազար դրամից հասցնելով ավելի քան 2 միլիոն դրամի։
Լրագրողը ճեպազրույցի ընթացքում Մակունցից հետաքրքրվեց, թե ինչպիսի աշխատանքային ծանրաբեռնվածություն է ենթադրում նրա պաշտոնը, որ աշխատավարձի նման զգալի բարձրացում է անհրաժեշտ։
Ի պատասխան՝ Մակունցը պարզաբանեց, որ նշված գումարները վերաբերում են ոչ թե մաքուր աշխատավարձին, այլ մինչև հարկերը հաշվարկվող վարձատրությանը։
Անդրադառնալով աշխատավարձերի բարձրացման հիմնավորումներին՝ նա նշեց, որ համապատասխան նախագիծը շրջանառության մեջ դրվելուց հետո դրա տրամաբանությունն ու նպատակները կներկայացնի փոխվարչապետ Տիգրան Խաչատրյանը, որը նախագծի հեղինակն է։
Մակունցը նաև ընդգծեց, որ ինքը նախագծի մշակմանը և քննարկումներին մասնակցություն չի ունեցել։